Psa 59 | VulgJ | STEP | in finem his qui inmutabuntur in tituli inscriptione David in doctrina victori pro liliis testimonium humilis et perfecti David ad docendum

Psalms 59

1 in finem his qui inmutabuntur in tituli inscriptione David in doctrina ^va 2 cum succendit Syriam Mesopotamiam et Syriam Soba et convertit Ioab et percussit vallem Salinarum duodecim milia ^va 3 Deus reppulisti nos et destruxisti nos iratus es et misertus es nobis ^va 4 commovisti terram et turbasti eam sana contritiones eius quia commota est ^va 5 ostendisti populo tuo dura potasti nos vino conpunctionis ^va 6 dedisti metuentibus te significationem ut fugiant a facie arcus diapsalma ut liberentur dilecti tui ^va 7 salvum fac dextera tua et exaudi me ^va 8 Deus locutus est in sancto suo laetabor et partibor Sicima et convallem tabernaculorum metibor ^va 9 meus est Galaad et meus est Manasses et Effraim fortitudo capitis mei Iuda rex meus ^va 10 Moab olla spei meae in Idumeam extendam calciamentum meum mihi alienigenae subditi sunt ^va 11 quis deducet me in civitatem munitam quis deducet me usque in Idumeam ^va 12 nonne tu Deus qui reppulisti nos et non egredieris Deus in virtutibus nostris ^va 13 da nobis auxilium de tribulatione et vana salus hominis ^va 14 in Deo faciemus virtutem et ipse ad nihilum deducet tribulantes nos

^va